Misr va Saudiya Arabistoni ustav kapitali 60 milliard Saudiya riali (16 milliard dollar)ga teng bo‘lgan qo‘shma investitsiya fondini tuzish haqidagi bitimni imzoladi, deb yozadi “TASS”. Hujjatlarni imzolash marosimi Misrda 9-aprel kuni Misr prezidenti Abdul Fattoh as-Sisiy va Saudiya monarxi Salmon bin Abdulaziz Al Saud ishtirokida bo‘lib o‘tdi.
Bundan tashqari, ikki mamlakat Sinay yarim orolida erkin savdo hududini yaratish haqida bitim tuzdi. Ushbu loyihaning eng muhim tarkibiy qismlaridan biri Qizil dengiz orqali o‘tib, Tiran Ras-Hamid va Sharm-ash-Shayxni birlashtiruvchi 50 kilometrli ko‘prikni qurishdan iborat.
Shuningdek, Saudiyaning Aramco milliy neft kompaniyasi va uning misrlik sheriklari o‘rtasida hamjihatlik to‘g‘risidagi memorandum, eksport va ishchi kadrlarni tayyorlash sohasidagi ikkita kompaniyani ta’sis etish haqidagi bitim imzolandi.
Izoh (0)