4-aprel kuni O‘zbekistonda xizmat ko‘rsatgan artist Rayhon G‘aniyeva o‘z fan klubi a’zolari bilan uchrashdi va ularning savollariga javob berdi. Intervyu chog‘ida berilgan savollar va Rayhonning javoblarini “Daryo” muxbiri va Rayhonning muxlisi Ulug‘bek Xudoyberganov yozma shaklda taqdim etdi.
Uchrashuvda Rayhon so‘nggi yillarda Mustaqillik va Navro‘z bayrami tadbirlarida ko‘rinish bermayotgani sababini tushuntirdi.
“Nima ham deyishim mumkin? Har yili buni xohlayman, ammo mening qo‘shiqlarim formati davlat tadbirlariga unchalik ham mos kelmas ekan. Agarda taklif etishsa, albatta bu tadbirlarda ishtirok etishni xohlardim”, — deya ta’kidladi xonanda.
Eslatib o‘tamiz, avvalroq xonanda ko‘ngli bo‘shligi uchun deputat bo‘la olmasligini ta’kidlagan edi.
Shuningdek, qo‘shiqchi fan-klub bilan uchrashuv davomida Moskvaga shaxsiy sabablarga ko‘ra safar uyushtirgani, kinodan uzoqlashib ketgani, ammo yaxshi ssenariy chiqsa, o‘ylab ko‘rishini, bu yil dam olishga Antaliyaga emas, boshqa shaharga borishini ma’lum qildi.
Izoh (0)