Bugun, 6-aprel kuni aktrisa Asal Shodiyeva tug‘ilgan kunini nishonlamoqda. Shu munosabat bilan aktrisaning tanish-bilishlari, do‘stlari va muxlislari uni ijtimoiy tarmoqlar orqali tug‘ilgan kun bilan tabriklamoqda, deb yozadi “Darakchi.uz”.
Xususan, xonanda Shohruxxon o‘z sahifasiga Asal bilan tushgan yangi rasmini joylashtirib, uni “Jiddiy kun bilan!” deya izohladi. Foydalanuvchilar izohlarda surat xonanda va aktrisaning to‘ydan oldingi fotosessiyasiga tegishli ekanligini taxmin qilgan. Shohruxxon bu mavzudagi savollarni hozircha ochiq qoldirmoqda, deyiladi xabarda.
Asal Shodiyevaning o‘zi ham Instagram’dagi sahifasiga yangi surat joylab, uni “Bizda yangi fotosuratlar” deya izohladi. “Darakchi.uz” ta’kidlashicha, bu surat Shohruxxon bilan tushgan surat bilan bir vaqtda ishlanganini payqash qiyin emas.
“Ularni suratga olgan Sadikovphotography’ning asosan to‘y uchun fotosessiyalar o‘tkazishini inobatga olsak, internet foydalanuvchilarining xonanda va aktrisa to‘ydan oldingi fotosessiyani o‘tkazishgani haqidagi taxminlari o‘z tasdig‘ini topadi”, — deya o‘z “tadqiqoti”ga xulosa yasadi nashr.
Shohruxxon va Asal Shodiyeva unashtirilgani haqida xabarlar tarqalganiga bir yildan oshdi, biroq xonanda ham, aktrisa ham ushbu xabarlarni izohsiz qoldirgandi.
Izoh (0)