AQSh sudi British Petroleum 2010-yilda Meksika ko‘rfazida to‘kilgan neft uchun zararni qoplash maqsadida beshta shtatga 18,7 milliard dollar to‘lab berishi haqidagi kelishuvni tasdiqladi. Bu haqda Reuters agentligi ma’lumotiga tayanib, “RBK” xabar beradi.
Kompaniya va shtatlar 2015-yilning iyul oyida yuqoridagi kelishuvga erishgan edi.
British Petroleum’ning hisob-kitobiga ko‘ra, Meksika ko‘rfazidagi avariya kompaniyaga jami 53,8 milliard dollarga tushadi. Bu summaga zararni qoplashlar, jarimalar va tozalash uchun xarajatlar kiritilgan.
Meksika ko‘rfazidagi British Petroleum boshqaruvi ostida bo‘lgan Deepwater Horizon platformasida 2010-yilning 20-aprel kuni portlash sodir bo‘lgan edi. Avariya natijasida 11 kishi halok bo‘lgan va Meksika ko‘rfazi suviga, turli manbalarga ko‘ra, 3,2 dan 4,9 million barrelgacha bo‘lgan neft to‘kilib ketgan.
Izoh (0)