Yevropa futbol uyushmalari ittifoqi (UEFA) futbol bo‘yicha 2016-yilgi Yevropa chempionati (Yevro–2016)ning muxlislar uchun mo‘ljallangan mobil dasturini ishga tushirdi, deya xabar bermoqda “TASS”.
Mobil dastur musobaqa o‘tkaziladigan shaharlar, jamoat transportlarining o‘yin bo‘ladigan stadionlargacha bo‘lgan yo‘nalishlari, eng asosiy osori-atiqalar bo‘yicha yo‘lko‘rsatkich va fan-zonalar haqidagi ma’lumotlarni o‘z ichiga olgan.
Shuningdek, dastur yordamida muxlislar qo‘llab-quvvatlash xizmati bilan bog‘lanib, logistika va boshqa yo‘nalishdagi masalalarni hal qilishda yordam olishi mumkin.
Ma’lumot uchun, Yevro–2016 uchrashuvlari Fransiyaning Parij, Sen-Deni, Marsel, Lion, Lill, Bordo, Tuluza, Lans, Sent-Etyen va Nitssa shaharlarida, 10-iyundan 10-iyulga qadar bo‘lib o‘tadi.
Izoh (0)