Misrda maktab darsliklaridan ayni paytda quvg‘indagi siyosatchi Muhammad al-Baradaiy haqida aytib o‘tilgan har qanday jumla olib tashlandi, deya xabar bermoqda “TASS”.
Misrlik diplomat va jamoatchilik arbobi Muhammad al-Baradaiy 1997—2009-yillarda Atom energiyasi bo‘yicha xalqaro agentlik (MAGATE) bosh direktori bo‘lib ishlagan. U 2005-yilda tinchlik bo‘yicha Nobel mukofotiga sazovor bo‘lgan. Iste’fosidan so‘ng xorijda yashagan. 2011-yil yanvarida Qohirada hukumatga qarshi ommaviy chiqishlar avj olganida, ko‘pchilik bunda al-Baradaiyning qo‘li bor deb hisobladi.
Mamlakatga qaytib, u muxolifatga qo‘shilishga tayyorligini bildirdi, ammo tezda uy qamog‘iga mahkum etildi va inqilobiy hodisalardan tashqarida qoldi. Prezident Husni Muborak iste’fosi arafasida u Misr xalqi shunday istak bildirsa, mamlakat rahbari vazifasini egallashi mumkinligini bildirdi, biroq keyinroq saylovlarda qatnashishdan bosh tortdi.
2013-yilgi inqilobdan so‘ng u Misr vitse-prezidenti etib tayinlandi va bu lavozimda bir oygina ishladi: “Musulmon birodarlar” isyonlari kuch bilan bostirilishiga qarshilik belgisi sifatida u iste’fo berdi va mamlakatni tark etdi.
Oxir-oqibat, u o‘ziga bildirilgan umid va ishonchni oqlay olmadi.
Izoh (0)