Мисрда мактаб дарсликларидан айни пайтда қувғиндаги сиёсатчи Муҳаммад ал-Барадаий ҳақида айтиб ўтилган ҳар қандай жумла олиб ташланди, дея хабар бермоқда «ТАСС».
Мисрлик дипломат ва жамоатчилик арбоби Муҳаммад ал-Барадаий 1997—2009 йилларда Атом энергияси бўйича халқаро агентлик (МАГАТЭ) бош директори бўлиб ишлаган. У 2005 йилда тинчлик бўйича Нобель мукофотига сазовор бўлган. Истеъфосидан сўнг хорижда яшаган. 2011 йил январида Қоҳирада ҳукуматга қарши оммавий чиқишлар авж олганида, кўпчилик бунда ал-Барадаийнинг қўли бор деб ҳисоблади.
Мамлакатга қайтиб, у мухолифатга қўшилишга тайёрлигини билдирди, аммо тезда уй қамоғига маҳкум этилди ва инқилобий ҳодисалардан ташқарида қолди. Президент Ҳусни Муборак истеъфоси арафасида у Миср халқи шундай истак билдирса, мамлакат раҳбари вазифасини эгаллаши мумкинлигини билдирди, бироқ кейинроқ сайловларда қатнашишдан бош тортди.
2013 йилги инқилобдан сўнг у Миср вице-президенти этиб тайинланди ва бу лавозимда бир ойгина ишлади: «Мусулмон биродарлар» исёнлари куч билан бостирилишига қаршилик белгиси сифатида у истеъфо берди ва мамлакатни тарк этди.
Охир-оқибат, у ўзига билдирилган умид ва ишончни оқлай олмади.
Изоҳ (0)