Marokashning “Raja Kasablanka” va “Shabab Rif al-Xoseyma” futbol klublari o‘rtasidagi uchrashuvdan so‘ng ishqibozlar tomonidan Kasablanka ko‘chalarida keltirib chiqarilgan tartibsizliklar oqibatida uch kishi halok bo‘ldi, 50 dan ortiq odam tan jarohati oldi. Bu haqda “TASS” xabar bermoqda.
To‘qnashuvlar uchrashuv yakuniga yetishi bilan boshlangan. “Raja” ishqibozlari tribunada mash’alalar yoqib, uni raqib jamoa muxlislariga qarata uloqtira boshlagan.
Oqibatda stadionda tartibsizliklar boshlanib, so‘ng shahar ko‘chalarida davom etgan. To‘qnashuvlar davomida bir necha politsiyachi tan jarohati olgan. Politsiya 30 dan ortiq odamni hibsga olgani aytilmoqda.
Marokash qirollik futbol federatsiyasi rahbari Fouzi Lekj’a fojiali voqealar yakuni bo‘yicha qaror qabul qilish uchun, 20-mart, yakshanba kuni federatsiya tartib-intizom qo‘mitasining favqulodda yig‘ilishini o‘tkazadi.
Izoh (0)