АҚШ ҳарбий-ҳаво кучлари ядро каллакларига эга баллистик ракеталар жойлаштирилган Уоррен авиабазасининг 14 нафар соқчисига нисбатан текширув бошлади, деб ёзади «Интерфакс». Улар турли наркотиклар, жумладан, кокаин истеъмол қилишда гумон этилмоқда.
Ҳарбий хизматчилар хизмат мажбуриятларини бажаришдан вақтинча четлатилди.
Британиянинг The Independent нашри ёзишича, гумонланувчилар асосан база соқчилик хизмати ходимлари бўлиб, улар орасида ушбу базага жойлаштирилган «Минитмен» туридаги қитъалараро баллистик ракеталар учун жавобгар офицерлар йўқ.
Соқчиларнинг мажбуриятларига ракета шахталари жойлашган ҳудудларни қўриқлаш ва объектдаги фавқулодда ҳолатларга жавоб кўрсатиш киради.
Изоҳ (0)