Ishlab chiqaruvchilari yaqinda Facebook bilan shartnoma imzolagan MSQRD (Masquerade) dasturining Android operatsion tizimida ishlaydigan qurilmalarga mo‘ljallangan versiyasi chiqarildi. Selfi suratlariga real vaqt rejimida niqob o‘rnatish imkoniyatini beradigan dasturning beta-versiyasini Google Play onlayn do‘konidan ko‘chirib olish mumkin, deb xabar beradi “Hi-Tech Mail.ru”.
Ilgari MSQRD’dan faqat Apple gadjetlari sohiblari foydalanishi mumkin edi.
Bir sutkadan kamroq vaqt ichida dasturni Google Play’dan bir milliondan ortiq foydalanuvchi ko‘chirib oldi.
MSQRD’ni o‘rnatish uchun qurilmada Android operatsion tizimining 4.3 dan past bo‘lmagan versiyasi o‘rnatilgan bo‘lishi hamda 28 MB xotira talab qilinadi.
Ishlab chiqaruvchilar yaqinda Android-qurilmalar foydalanuvchilari dasturning to‘laqonli versiyasiga ega bo‘lishini va’da qilmoqda. Ayni paytda Masquerade Technologies beta-versiyadagi nuqsonlarni tuzatish bilan shug‘ullanmoqda.
Izoh (0)