Ишлаб чиқарувчилари яқинда Facebook билан шартнома имзолаган MSQRD (Masquerade) дастурининг Android операцион тизимида ишлайдиган қурилмаларга мўлжалланган версияси чиқарилди. Селфи суратларига реал вақт режимида ниқоб ўрнатиш имкониятини берадиган дастурнинг бета-версиясини Google Play онлайн дўконидан кўчириб олиш мумкин, деб хабар беради «Hi-Tech Mail.ru».
Илгари MSQRD’дан фақат Apple гаджетлари соҳиблари фойдаланиши мумкин эди.
Бир суткадан камроқ вақт ичида дастурни Google Play’дан бир миллиондан ортиқ фойдаланувчи кўчириб олди.
MSQRD’ни ўрнатиш учун қурилмада Android операцион тизимининг 4.3 дан паст бўлмаган версияси ўрнатилган бўлиши ҳамда 28 МБ хотира талаб қилинади.
Ишлаб чиқарувчилар яқинда Android-қурилмалар фойдаланувчилари дастурнинг тўлақонли версиясига эга бўлишини ваъда қилмоқда. Айни пайтда Masquerade Technologies бета-версиядаги нуқсонларни тузатиш билан шуғулланмоқда.
Изоҳ (0)