Polietilen paketdan yasalgan Messi futbolkasi sabab internetda tanilib ketgan bolakay, afg‘onistonlik 5 yoshli Murtazo Ahmadiy argentinalik futbolchi bilan uchrashmaydi, deb xabar beradi “Sports.ru”.
Leo Messi Foundation jamg‘armasi “Barselona” hujumchisi Murtazo Ahmadiy bilan uchrasha olmasligini ma’lum qildi.
“Uchrashuv bo‘lmaydi. Biz butun dunyodagi bolalardan Messi bilan uchrashish borasida minglab takliflar olamiz. Biz hammaning iltimosini bajara olmaymiz. Buning iloji yo‘q”, — deyiladi Leo Messi Foundation jamg‘armasi bayonotida.
Qayd etish joiz, fevral oyida Murtazo Ahmadiy Messining dastxati tushirilgan haqiqiy futbolkasiga ega bo‘lgandi.
Izoh (0)