Rossiya fanlar akademiyasi grant talabgorlaridan tanlovga talabnomalarni disketlarda yuborishni so‘ramoqda. Bu haqda Meduza xabar berdi.
Ishlar Word-6 redaktorida, ya’ni 1993-yilda chiqqan dastur versiyasida bajarilgan bo‘lishi lozim. Disketga ish annotatsiyasi tushirilgan fayl, shuningdek, uning mualliflari va tanlov yo‘nalishi yozilishi kerak. Akademiya saytida “o‘rnatilgan tartibda yuborilmagan ishlar tanlovga qo‘yilmasligi” ko‘rsatib o‘tilgan. Akademiyaning yosh olimlar uchun mukofotlar haqidagi tartibi 2002-yil 24-dekabrda tasdiqlangan va shundan beri o‘zgarmagan ko‘rinadi.
Ma’lumot uchun, disketlarning ommaviyligi 2000-yillardan boshlab sezilarli ravishda pasayib ketgan va yetakchi texnika ishlab chiqaruvchilar diskovodli kompyuterlar chiqarishni to‘xtatgan.
Izoh (0)