Yevroittifoq shu bahorda Zika virusi Yevropa qit’asida tarqalib ketishi xavfiga qarshi kurash uchun 10 million yevro ajratdi, deya xabar bermoqda “TASS”. Bu haqda moliyaviy barqarorlik, xizmatlar va kapital bozori masalalari bo‘yicha yevrokomissar Jonatan Xill Yevroparlamentning Strasburgdagi sessiyasida aytib o‘tdi.
“Joriy yilning bahor va yozida Aedis Aegypti turidagi chivinlar kasallik Yevropada tarqalishiga olib kelishi mumkin. Ayni paytda Zika virusi vaksinasi mavjud emas. Shu tufayli uni ishlab chiqish uchun ancha kuch sarflanmoqda. Yevropa ittifoqi, o‘z tomonidan, bunga 10 million yevro ajratdi, va bu hali birinchi bosqich”, — dedi Xill.
Uning ta’kidlashicha, farmakologiya masalalari bilan shug‘ullanadigan Dori vositalari bo‘yicha Yevropa agentligi “vaksina ishlab chiqish maqsadida ekspertlarning maxsus guruhini tuzdi”. “U, shuningdek, bunday tadqiqotlar olib borish niyatida bo‘lgan farmakologiya korporatsiyalari bilan aloqada bo‘lib turibdi”, — deya qo‘shimcha qildi u.
Izoh (0)