Россия фанлар академияси грант талабгорларидан танловга талабномаларни дискетларда юборишни сўрамоқда. Бу ҳақда Meduza хабар берди.
Ишлар Word-6 редакторида, яъни 1993 йилда чиққан дастур версиясида бажарилган бўлиши лозим. Дискетга иш аннотацияси туширилган файл, шунингдек, унинг муаллифлари ва танлов йўналиши ёзилиши керак. Академия сайтида «ўрнатилган тартибда юборилмаган ишлар танловга қўйилмаслиги» кўрсатиб ўтилган. Академиянинг ёш олимлар учун мукофотлар ҳақидаги тартиби 2002 йил 24 декабрда тасдиқланган ва шундан бери ўзгармаган кўринади.
Маълумот учун, дискетларнинг оммавийлиги 2000 йиллардан бошлаб сезиларли равишда пасайиб кетган ва етакчи техника ишлаб чиқарувчилар дисководли компьютерлар чиқаришни тўхтатган.
Изоҳ (0)