Fransiya rasmiylari iPhone ma’lumotlarini ochishda yordam berishdan bosh tortgan Apple kompaniyasiga 1 million yevro jarima soldi. Bu haqda 3Dnews xabar bermoqda.
O‘tgan yili Fransiyada terrorizmda gumon qilingan shaxslarga tegishli 8 ta smartfonni buzishga muvaffaq bo‘linmagan va bu huquq-tartibot idoralarining smartfon ishlab chiqaruvchilar, birinchi galda Samsung va Apple’dan qattiq noroziligiga sabab bo‘lgandi.
“Faqat pullar Apple va Google kabi o‘ta qudratli kompaniyalarni bo‘ysunishga majbur etadi. Ular go‘yoki shaxsiy hayot himoyasi haqidagi da’volar ortiga yashiringan, biroq o‘zlari yig‘ayotgan shaxsiy ma’lumotlardan tijoriy maqsadlarda foydalanishga kelganda darrov qarashlarini o‘zgartirdi”, — deya ta’kidlaydi hukumatning terrorizmga qarshi kurashdagi imkoniyatlarini kengaytirishga qaratilgan qonun qo‘shimchalari muallifi bo‘lgan fransuz siyosatchisi Yann Galyu.
Eslatib o‘tamiz, oldinroq AQSh sudi “San-Bernardino mergani” ishi bo‘yicha Apple foydasiga hukm chiqarmasa, kompaniya rahbari Tim Kuk bunga bo‘ysunishi yoki hibsga olinishi mumkinligi bildirilgandi.
Izoh (0)