Франция расмийлари iPhone маълумотларини очишда ёрдам беришдан бош тортган Apple компаниясига 1 миллион евро жарима солди. Бу ҳақда 3Dnews хабар бермоқда.
Ўтган йили Францияда терроризмда гумон қилинган шахсларга тегишли 8 та смартфонни бузишга муваффақ бўлинмаган ва бу ҳуқуқ-тартибот идораларининг смартфон ишлаб чиқарувчилар, биринчи галда Samsung ва Apple’дан қаттиқ норозилигига сабаб бўлганди.
«Фақат пуллар Apple ва Google каби ўта қудратли компанияларни бўйсунишга мажбур этади. Улар гўёки шахсий ҳаёт ҳимояси ҳақидаги даъволар ортига яширинган, бироқ ўзлари йиғаётган шахсий маълумотлардан тижорий мақсадларда фойдаланишга келганда дарров қарашларини ўзгартирди», — дея таъкидлайди ҳукуматнинг терроризмга қарши курашдаги имкониятларини кенгайтиришга қаратилган қонун қўшимчалари муаллифи бўлган француз сиёсатчиси Янн Галю.
Эслатиб ўтамиз, олдинроқ АҚШ суди «Сан-Бернардино мергани» иши бўйича Apple фойдасига ҳукм чиқармаса, компания раҳбари Тим Кук бунга бўйсуниши ёки ҳибсга олиниши мумкинлиги билдирилганди.
Изоҳ (0)