Amerikalik ixtirochilar Tom Gell, Jon Yuy va Moyses MacBook orqali selfi olish moslamasini ishlab chiqdi, deya xabar bermoqda “Hi-tech.mail.ru”.
MacBookselfiestick saytida tashabbuskorlar MacBook uchun mo‘ljallangan selfi-tayoqdan foydalanib, Nyu-York markazida suratga tushayotgan kishilar rasmlarini joyladi. Ularda o‘tkinchilar uzun metall tayoqqa o‘rnatilgan noutbuk orqali selfi olayotgan kishini ko‘rib, kulgili yuz ifodasi bilan hayron bo‘lib qarab turganini ko‘rish mumkin.
Haqiqatan ham, og‘irligi qariyb bir kilogramm MacBook o‘rnatilgan konstruksiyani qo‘lni cho‘zgan holda ushlab turish juda qiyin, bundan tashqari ushbu holatda ikkala qo‘lni ham ishlatishga to‘g‘ri keladi.
Ixtirochilar esa MacBook uchun monopod ijodiy loyiha ekanligi, bunday selfi-tayoqlarni sotmoqchi emasligini bildirdi. Loyihadan maqsad — selfi (nafaqat MacBook’da, balki umuman olganda) qanchalik bema’ni ko‘rinishini ko‘rsatib berish.
Izoh (0)