“Bunyodkor” — “An-Nassr” uchrashuvini malayziyalik hakamlar guruhi boshqaradi

Osiyo Chempionlar Ligasining “B” guruhida ishtirok etayotgan Toshkentning “Bunyodkor” klubi 2-tur doirasida Saudiya Arabistonining “An-Nassr” jamoasini Toshkentda qabul qiladi. Ushbu o‘yinni boshqarib boradigan hakamlar guruhi ma’lum bo‘ldi, deb xabar beradi “Bunyodkor” klubi matbuot xizmati.

“Bunyodkor” – “An-Nassr” uchrashuvini Mohd Amirul Izvan bin Yoqub boshchiligidagi malayziyalik hakamlar guruhi boshqarib boradi. Qayd etish kerakki, ushbu referi bungacha faoliyati mobaynida “qaldirg‘ochlar” ishtirokidagi 2014-yilgi “Bunyodkor” – “Al-Hilol” bahsini boshqargan.

Ma’lumot o‘rnida, “Bunyodkor” – “An-Nassr” uchrashuvi joriy yilning 1-mart, seshanba kuni, Toshkentning “Bunyodkor” stadionida soat 18:00 da boshlanadi.

Eslatib o‘tamiz, OChL–2016 guruh bosqichining 1-turida “Bunyodkor” Saudiya Arabistonida “An-Nassr” mehmoni bo‘lib, 3:3 hisobida durang qayd etgandi.

OChL–2016. “B” guruhi, 2-tur

Referi: Mohd Amirul Izvan bin Yoqub (Malayziya)

Referi assistenti 1: Mohd Yusri bin Muhammad (Malayziya)

Referi assistenti 2: Muhammad Muazi bin Zainal Abidin (Malayziya)

To‘rtinchi hakam: Mizanur Rahmon (Bangladesh)

Hakamlar eksperti: Abdulkarim Said (Iordaniya)

Uchrashuv komissari: Omid Jamali (Eron)