LFP prezidenti: “Real” muxlisi sifatida Pikening Twitter’dagi so‘zlaridan o‘zimni haqoratlangandek his qilmadim

Ispaniya professional futbol ligasi (LFP) prezidenti Xavyer Tebasning fikricha, “Barselona” himoyachisi Xerard Pikening Twitter’dagi yozuvlariga haddan tashqari jiddiy e’tibor bermaslik kerak. Bu haqda “Chempionat” xabar bermoqda.

Ispaniyalik futbolchi so‘nggi paytlarda Twitter’da “Real” klubiga nisbatan achchiq so‘zlarni yozib qoldirmoqda.

“‘Real’ muxlisi sifatida uning so‘zlari meni haqorat qilmadi. Menimcha, bunday narsalarga hazil sifatida yondashish kerak”, — deb Tebasning so‘zlaridan iqtibos keltiradi El Mundo Deportivo.

Avvalroq “Real”ning Ispaniya Kubogidan chiqib ketishini eshitgan Pike quvonchdan o‘zining Twitter’dagi sahifasiga to‘qqizta “smayl” qo‘ygandi.