Malayziyalik ayol Malaysia Airlines aviakompaniyasiga qarashli Boeing 777-200 samolyotining MH370 reysida bo‘lgan turmush o‘rtog‘ining o‘limi uchun 7,6 million dollar tovon talab qilib, aviakompaniya va mamlakat rasmiylaridan qarshi da’vo kiritdi. Bu haqda “RIA Novosti” xabar bermoqda.
32 yoshli Shri Devi tomonidan berilgan da’vo arizasida turmush o‘rtog‘i aviakompaniya va davlat muassasalari tomonidan yo‘l qo‘yilgan nuqsonlar tufayli nobud bo‘lgani ta’kidlangan.
Advokatlarning bildirishicha, hodisa yuz berganiga 2 yil to‘layotgani va aviakompaniyalarga nisbatan yuridik shikoyatlar kiritish muddati yakunlanayotgani sababli yaqin kunlarda MH370 ishi bo‘yicha shunga o‘xshash da’vo arizalari berilishi kutilmoqda.
Eslatib o‘tamiz, Kuala-Lumpurdan Pekinga yo‘l olgan va bortida 227 nafar yo‘lovchi, 12 nafar ekipaj a’zosi bo‘lgan layner 2014-yil, 8-martga o‘tar kechasi g‘oyib bo‘lgan. Havo kemasi Hind okeanining janubiy qismiga qulagani taxmin qilinadi, biroq hozirgacha buning dalillari topilmagan.
Izoh (0)