Futbol bo‘yicha Osiyo Chempionlar Ligasi guruh bosqichi 1-turi doirasida O‘zbekiston klublari Saudiya Arabistoni klublariga qarshi bahs olib bormoqda.
Xususan, 23 fevral, seshanba kuni “Lokomotiv” klubi Toshkentda “Al-Ittihod”ni qabul qilgan bo‘lsa (1:1), Toshkentning boshqa bir jamoasi — “Bunyodkor” Saudiya Arabistonida “An-Nassr” mehmoni bo‘ldi (3:3).
24 fevral, chorshanba kuni “Paxtakor” Toshkentda “Al-Hilol”ni qabul qilmoqda (birinchi taymdan so‘ng hisob — 0:0), shu kuni Qarshining “Nasaf” jamoasi esa shu kuni Toshkent vaqti bilan 22:10 da mehmonda “Al-Ahli”ga qarshi maydonga chiqadi.
E’tiborli tomoni, dastlabki uchta o‘yin: “Lokomotiv” — “Al-Ittihod”, “An-Nassr” — “Bunyodkor” va “Paxtakor” — “Al-Hilol”ga bag‘ishlangan heshteglar saudiyalik Twitter foydalanuvchilari tomonidan (arab imlosida) jahon trendiga olib chiqildi.
"Paxtakor" — "Al-Hilol" uchrashuvi jahon trendida #الهلال_باختاكور
— BreakingNewsUz (@BreakingNewsUz) February 24, 2016
#АнНаср_Бунёдкор трендда №1#AnNassr_Bunyodkor#النصر_بنديكور
— Shuhrat Shokirjonov (@shokirjonov) February 23, 2016
Локомотив - Ал-Иттиҳод дунё трендида #الاتحاد_لوكوموتيف
— Yoshulli (@yoshulli_) February 23, 2016
Ma’lumot uchun, Twitter’ning o‘zbekistonlik foydalanuvchilari shu vaqtgacha maxsus aksiyalar yordamida turli yillarda #uzb21, #uzb22, #uzb24, #IrmatovBest, #Navoiy575, #BoburDay heshteglarini jahon trendiga olib chiqqan.
Izoh (0)