Саудия Арабистони клубларига қарши майдонга тушган «Локомотив», «Бунёдкор» ва «Пахтакор» Twitter’да жаҳон трендига чиқди

Футбол бўйича Осиё Чемпионлар Лигаси гуруҳ босқичи 1-тури доирасида Ўзбекистон клублари Саудия Арабистони клубларига қарши баҳс олиб бормоқда.

Хусусан, 23 февраль, сешанба куни «Локомотив» клуби Тошкентда «Ал-Иттиҳод»ни қабул қилган бўлса (1:1), Тошкентнинг бошқа бир жамоаси — «Бунёдкор» Саудия Арабистонида «Ан-Насср» меҳмони бўлди (3:3).

24 февраль, чоршанба куни «Пахтакор» Тошкентда «Ал-Ҳилол»ни қабул қилмоқда (биринчи таймдан сўнг ҳисоб — 0:0), шу куни Қаршининг «Насаф» жамоаси эса шу куни Тошкент вақти билан 22:10 да меҳмонда «Ал-Аҳли»га қарши майдонга чиқади.

Эътиборли томони, дастлабки учта ўйин: «Локомотив» — «Ал-Иттиҳод», «Ан-Насср» — «Бунёдкор» ва «Пахтакор» — «Ал-Ҳилол»га бағишланган ҳештеглар саудиялик Twitter фойдаланувчилари томонидан (араб имлосида) жаҳон трендига олиб чиқилди.

https://twitter.com/BreakingNewsUz/status/702470285518364672

https://twitter.com/eshonbova/status/702192128873668608

https://twitter.com/yoshulli_/status/702083268162797569

Маълумот учун, Twitter’нинг ўзбекистонлик фойдаланувчилари шу вақтгача махсус акциялар ёрдамида турли йилларда #uzb21, #uzb22, #uzb24, #IrmatovBest, #Navoiy575, #BoburDay ҳештегларини жаҳон трендига олиб чиққан.