YeChL 1/8 finalining dastlabki o‘yinlari doirasida “Barselona” Lionel Messining dubli evaziga “Arsenal” ustidan 2:0 hisobida ishonchli g‘alabani qo‘lga kiritdi. Argentinalik futbolchining ikkinchi goli katalon jamoasining barcha rasmiy turnirlardagi 10000-goliga aylandi. Bu haqda “Barselona” klubi matbuot xizmati xabar bermoqda.
Ushbu ko‘rsatkichga erishish uchun kataloniyaliklarga 4375 ta o‘yin kerak bo‘ldi. Bu esa, “Barselona” har bir o‘yinda o‘rtacha 2,28 ta gol kiritayotganini anglatadi.
Ma’lumot o‘rnida, “Barselona” jamoasining birinchi rasmiy goli 1901-yil, 20-yanvarda Jorj Jirvan tomonidan kiritilgan. Klubning 5000-goliga esa Karles Reksach 1970-yilning 13-dekabrida “Malaga” darvozasiga kiritgan goli orqali mualliflik qilgan.
Izoh (0)