Toshkent shahrida kuzga qadar bir qator ko‘chalarning alohida qismlarini kapital ta’mirdan chiqarish rejalashtirildi, deya xabar bermoqda “Gazeta.uz” “Toshkent oqshomi” gazetasiga tayanib.
Toshkent shahar markaziy ko‘chalaridan foydalanish, saqlash va ta’mirlash bo‘yicha shahar ixtisoslashtirilgan boshqarmasi ko‘chalarning sakkizta alohida qismlarining umumiy boshlang‘ich qiymati 7,562 milliard so‘mga teng (QQSni hisobga olgan holda) kapital ta’miri uchun tanlov savdolarini e’lon qildi.
Quyidagi ko‘chalar kapital ta’mirdan chiqariladi:
- Nukus ko‘chasi (Bobur ko‘chasidan Taraqqiyot ko‘chasidagi transport tunneligacha) — 977,638 million so‘m;
- Bobur ko‘chasi (aeroport ko‘prigidan Nukus ko‘chasigacha) — 349,406 million so‘m;
- Yangi Yunusobod ko‘chasi (Yangi shahar ko‘chasidan Toshkent avtomobil halqa yo‘ligacha) — 1,641 milliard so‘m;
- Husayn Boyqaro ko‘chasi (Bektemir tumani Davlat soliq inspeksiyasi binosidan Bektemir yo‘li ko‘chasigacha) — 1,648 milliard so‘m;
- Qorasaroy ko‘chasi (Abdulla Qodiriy ko‘chasidan Qumloq ko‘chasigacha) — 654,421 million so‘m;
- Beshyog‘och ko‘chasi (Samarqand Darvoza ko‘chasidan masjid binosigacha) — 322,326 million so‘m;
- Katta Qa’ni ko‘chasi (Foziltepa ko‘chasidan Al-Xorazmiy ko‘chasigacha) — 1,617 milliard so‘m;
- Beshariq ko‘chasi (Izzat ko‘chasidan 48-uygacha) — 353,019 million so‘m.
Izoh (0)