Тошкент шаҳрида кузга қадар бир қатор кўчаларнинг алоҳида қисмларини капитал таъмирдан чиқариш режалаштирилди, дея хабар бермоқда «Газета.uz» «Тошкент оқшоми» газетасига таяниб.
Тошкент шаҳар марказий кўчаларидан фойдаланиш, сақлаш ва таъмирлаш бўйича шаҳар ихтисослаштирилган бошқармаси кўчаларнинг саккизта алоҳида қисмларининг умумий бошланғич қиймати 7,562 миллиард сўмга тенг (ҚҚСни ҳисобга олган ҳолда) капитал таъмири учун танлов савдоларини эълон қилди.
Қуйидаги кўчалар капитал таъмирдан чиқарилади:
- Нукус кўчаси (Бобур кўчасидан Тараққиёт кўчасидаги транспорт туннелигача) — 977,638 миллион сўм;
- Бобур кўчаси (аэропорт кўпригидан Нукус кўчасигача) — 349,406 миллион сўм;
- Янги Юнусобод кўчаси (Янги шаҳар кўчасидан Тошкент автомобиль ҳалқа йўлигача) — 1,641 миллиард сўм;
- Ҳусайн Бойқаро кўчаси (Бектемир тумани Давлат солиқ инспекцияси биносидан Бектемир йўли кўчасигача) — 1,648 миллиард сўм;
- Қорасарой кўчаси (Абдулла Қодирий кўчасидан Қумлоқ кўчасигача) — 654,421 миллион сўм;
- Бешёғоч кўчаси (Самарқанд Дарвоза кўчасидан масжид биносигача) — 322,326 миллион сўм;
- Катта Қаъни кўчаси (Фозилтепа кўчасидан Ал-Хоразмий кўчасигача) — 1,617 миллиард сўм;
- Бешариқ кўчаси (Иззат кўчасидан 48-уйгача) — 353,019 миллион сўм.
Изоҳ (0)