Sud AQSh mudofaa vazirligini amerikalik harbiy xizmatchilar tomonidan Iroq va Afg‘onistonda qiynoqqa solingan insonlar suratini e’lon qilishga majbur etuvchi qaror qabul qildi. Bu haqda “Interfaks” xabar bermoqda.
Pentagon turli darajada jarohat olgan kishilarning 198 ta suratini chop etdi. Mazkur fotolar Amerika qo‘shinlarining 2003-yilda Iroqda o‘tkazgan operatsiyasidan boshlab olingan. Ular orasida Guantanamo mahbuslarining suratlari ham borligi taxmin qilinmoqda.
Suratlar e’lon qilinishi uchun harakat qilgan asosiy tashkilot Amerika fuqaro huquqlari uyushmasi bo‘ldi. Huquq himoyachilari Pentagondan yana 1800 ta shunday surat chop etilishini talab etish niyatida.
Izoh (0)