Albaniya sanoat maqsadlarida daraxt kesishni o‘n yilga taqiqladi, deb yozadi “Interfaks” mamlakatning atrof-muhit masalalari bo‘yicha vazirligiga tayanib.
Moratoriy Albaniya parlamenti tomonidan ma’qullangan: ushbu qarorni yoqlab 140 deputatdan 101 nafari ovoz bergan.
Qonunbuzarlar o‘n yillik qamoq va 36 ming yevrogacha bo‘lgan jarimaga mahkum etilishi mumkin.
Ushbu taqiq Yevropadagi eng qashshoq mamlakatlardan birida ekologik ofat oldini olish maqsadida joriy qilindi. Mamlakat hukumati, shuningdek, Albaniyada o‘rmonlar yo‘qolib ketishiga sabab bo‘lgan noqonuniy daraxt kesishga qarshi kurashish majburiyatini oldi.
Istisnoli holatlarda hukumat uylarni isitish uchun daraxtlarni kesishga ruxsat berishi mumkin.
Izoh (0)