Yaponiyaning Toyota Motor korporatsiyasi sho‘ba moliyaviy tizimi — Toyota Motor Credit Corporation AQShdagi kelib chiqishi afrikalik va osiyolik bo‘lgan mijozlarini irqiy jihatdan kamsitgani uchun salkam 22 million dollar tovon to‘laydi. Bu haqda AQSh adliya vazirligi saytida joylashtirilgan press-relizda ma’lum qilingan.
Press-relizda ta’kidlanishicha, avtokreditlash bo‘yicha yirik va nufuzli muassasa bo‘lmish Toyota Motor Credit Corporation afrikalik va osiyolik mijozlar uchun foizlarni balandroq qo‘ygan. Ular boshqa mijozlarga nisbatan kreditlash muddati davomida 100 dan 200 dollargacha oshiqcha to‘lagan.
Adliya vazirligi 2011—2016-yillar oralig‘ida berilgan kreditlarni o‘rganib chiqib, shunday xulosaga keldi.
Izoh (0)