Neft narxining tushib borishi Saudiya Arabistoni hukumatini tarixda birinchi marta jahon qarz bozoriga chiqishga va obligatsiyalar chiqarishga majbur qilmoqda, deb yozadi Financial Times. Saudiya Arabistonining Suriya va Yamandagi harbiy ishtiroki kengaytirilishi qirollikka qo‘shimcha moliyaviy yuk bo‘lib xizmat qilmoqda, deb xabar beradi “Gazeta.ru”.
Saudiya Arabistoni budjeti daromadlarining 73 foizi neft sotuvidan tushgan daromadlardan shakllantiriladi. Neft narxining tushishi natijasida 2015-yilda qirollikning valyuta zaxiralari 97 milliard dollarga kamayib ketdi va hozirda 640 milliard dollarni tashkil qilmoqda.
Tahlilchilar Saudiya Arabistoni chiqaradigan obligatsiyalar miqdori va ularning daromadlilik darajasi uchta faktorga bog‘liq deb hisoblamoqda: neft narxi, mamlakatning oltin valyutalari zaxirasi va bozordagi o‘zgaruvchanlik. Agar bu yo‘nalishlar bo‘yicha bosim tushsa, Ar-Riyodning jahon qarz bozoriga chiqishi muvaffaqiyatli kechishi mumkin, aks holda saudiyaliklar yuqori foiz bilan bir necha milliard dollar qarz olish bilan cheklanadi.
Izoh (0)