Turkiya harbiy-havo kuchlari (HHK) xavfning “to‘q sariq” darajasi tufayli o‘z bo‘linmalarini xizmat o‘tashning alohida tartibiga o‘tkazdi. Bu haqda “TASS” xabar bermoqda.
Milliyet gazetasi shu tariqa “turk aviatsiyasi hushyorligi oshirilgani yarim rasmiy ravishda butun dunyoga yetkazilgani”ni ma’lum qildi. Nashrning bildirishicha, Turkiya qurolli kuchlari xavfning uchta asosiy darajasidan foydalanadi: “oq” (hujum ehtimoli kam), “sariq” (hujum ehtimoli mavjud) va “qizil” (to‘qnashuv yoki urush ehtimoli yuqori). HHK uchun “to‘q sariq” darajasi ham joriy etilgan bo‘lib, u “to‘qnashuv istalgan payt yuz berishi mumkinligi hamda mudofaa va hujumga tayyor turish lozimligi”ni anglatadi.
Eslatib o‘tamiz, Turkiya tashqi ishlar vazirligi 29-yanvar kuni Rossiyaning Su-34 samolyoti mamlakat havo hududiga bostirib kirgani haqida bayonot berdi.
Izoh (0)