O‘zbekiston hukumati 20-yanvardagi qarori (pdf) bilan avtotransport vositalaridan foydalangan holda meva-sabzavot mahsulotlari, kartoshka, poliz mahsulotlari va uzumni eksport qilishga berilgan ruxsat muddatini uzaytirdi, deb yozadi “Gazeta.uz”.
Ruxsat Respublikaning ichki bozorida mevalar, sabzavotlar, poliz mahsulotlari, kartoshka va uzumdan, shu jumladan, dukkakli mahsulotlardan oqilona foydalanish, shuningdek, eksportga yetkazib berishni samarali tashkil etish bilan bog‘liq masalalarni hal etish bo‘yicha Ishchi guruh tomonidan tasdiqlangan ro‘yxatga kiritilgan yuridik shaxslar uchun amal qiladi.
Nashr eslatishicha, O‘zbekistonda avtotransport vositalaridan foydalangan holda meva-sabzavot mahsulotlari, kartoshka, poliz mahsulotlari va uzumni eksport qilish o‘tgan yilning sentabridan taqiqlangan edi. Oktabr boshida esa Vazirlar Mahkamasi bunga 1-yanvarga qadar ruxsat bergan edi.
Izoh (0)