Toshkentda 25-yanvar kuni havo harorati +18 darajagacha ko‘tariladi, Qoraqalpog‘iston va Xorazmda yomg‘ir yog‘ishi mumkin

Toshkent shahrida 25-yanvar, dushanba kuni havo harorati kunduzi +18 darajagacha ko‘tarilishi mumkin. Bu haqda “O‘zgidromet” xabar bermoqda.

25-yanvarga o‘tar kechasi O‘zbekiston bo‘ylab iqlim sharoiti salqin bo‘lishi kutilmoqda, faqat tog‘li hududlarda havo harorati 0 darajadan past bo‘ladi (-3). Qolgan barcha hududlarda kechasi havo harorati +5...+7 darajagacha iliq bo‘ladi.

25-yanvar kuni kunduzi Qoraqalpog‘iston Respublikasi, Xorazm viloyati, tog‘li hududlarda +10 darajagacha, Farg‘ona vodiysi viloyatlarida +15 darajagacha, Toshkent, Samarqand, Jizzax, Sirdaryo viloyatlari va Toshkent shahrida +18 darajagacha, Buxoro va Navoiy viloyatlarida +19 darajagacha, Qashqadaryo va Surxondaryo viloyatlarida esa +20 darajagacha iliq bo‘lishi kutilmoqda.

Xabar berishlaricha, 25-yanvar kuni Qoraqalpog‘iston Respublikasi va Xorazm viloyatida vaqti-vaqti bilan yomg‘ir yog‘ishi mumkin, boshqa hududlarda yog‘ingarchilik kutilmaydi.