UzReport TV Angliya Premyer-ligasi 22-tur o‘yinlarini sharhlab borish uchun Rossiyaning “Match TV” telekanali sport jurnalisti, taniqli sharhlovchi Aleksandr Yelaginni taklif qilgandi. Bu haqda UzReport xabar qilmoqda.
Aleksandr Yelagin Angliya chempionatidan o‘rin olgan 4 ta o‘yinni to‘g‘ridan-to‘g‘ri efirda sharhladi. Bundan tashqari, u UzReport TV telekanali sharhlovchilari uchun o‘ziga xos master-klass ham o‘tkazib, o‘z tajribalari bilan o‘rtoqlashdi.
Shuningdek, “Match TV” sharhlovchisi bugun Botkina nomidagi qabristonda joylashgan “Paxtakor-79” xotira majmuasiga borib, 1979-yili fojiali tarzda halok bo‘lgan futbolchilar va murabbiylar xotirasiga hurmat bajo keltirdi.
Izoh (0)