Moskva politsiyasi huquq-tartibot xodimi mansabdorlar mashinasi korteji ketguncha tez yordam avtomobilini o‘tkazmayotganligi tasvirga olingan videorolik e’lon qilingani munosabati bilan tekshiruv boshladi. Bu haqda Meduza xabar bermoqda.
Rolik Youtube videoservisiga 16-yanvar kuni jolashtirilgan, hodisaning o‘zi esa 13-yanvarda Podmoskoveda bo‘lgani aytilmoqda. Yo‘l harakati xavfsizligi xodimi shifokorlar emizikli chaqaloqni olib ketayotgani haqida aytishiga qaramay, tez yordam mashinasi o‘tib ketishiga yo‘l qo‘ymagan. Shundan so‘ng trassadan lipillovchi chiroq o‘rnatilgan kortej o‘tib ketayotgani, politsiya xodimi esa unga “chest” berayotgani tasvirlangan.
Izoh (0)