Xalqaro kosmik stansiyada (XKS) ilk bor gul ochildi. Bu haqda NASA astronavti Skot Kelli Twitter orqali ma’lum qildi, deya xabar beradi “Korrespondent.net”
“Ha, koinotda hayotning boshqa shakllari ham bor!”, — deya izoh qoldirgan Kelli Twitter’dagi surat ostida. NASA’ning bildirishicha, astra-sinniya o‘tgan yili astronavt Chelli Lindgren tomonidan Veggie konteyneriga o‘tqazilgan. Urinishlarga qaramay, ikki gulni qutqarishning imkoni bo‘lmagan va ular tadqiqot uchun Yerga qaytarilgan.
Boshqa ikkita gul o‘sishda davom etgan: 12-yanvarda ularda g‘unchalar paydo bo‘lgan, oradan to‘rt kun o‘tib esa ulardan biri ochilgan.
Izoh (0)