“Real” futbolchisi Krishtianu Ronaldu unga “Barselona” hujumchisi Lionel Messining chap oyog‘i yoqishini tan oldi. Bu haqda “Gazeta.ru” xabar bermoqda.
“Oltin to‘p” mukofoti topshirilishiga bag‘ishlangan matbuot anjumanida portugaliyalik futbolchiga Messining qaysi jihati o‘zida bo‘lishini istashi haqida savol berildi. “Uning chap oyog‘i chindan ham zo‘r. Men aynan shunday chap oyog‘im bo‘lishini istardim”, — deya javob bergan Ronaldu.
Eslatib o‘tamiz, 11-yanvar kuni Syurixda bo‘lib o‘tgan jahonning eng yaxshi futbolchisini taqdirlash marosimida Lionel Messi 41,33 foiz, Krishtianu Ronaldu 27,76 foiz, Neymar esa 7,86 foiz ovoz to‘plagan.
Izoh (0)