11-yanvar kuni Shveysariyaning Syurix shahrida tashkil etilgan “Oltin to‘p” gala-taqdimotida Lionel Messi 2015-yilning eng yaxshi futbolchisi, deb e’lon qilindi. Argentinalik futbolchi o‘z faoliyatida beshinchi marta futbol olamidagi eng oliy individual mukofotni qo‘lga kiritdi.
France Football nashri tomonidan ta’sis etilgan “Oltin to‘p” mukofoti 2009-yilga qadar Yevropaning eng yaxshi futbolchisiga topshirilardi. Futbolning bosh tashkiloti — FIFA esa milliy terma jamoalarning bosh murabbiylari, sardorlari va matbuot kotiblari o‘rtasida o‘tkazilgan so‘rovnoma asosida, har yili jahonning eng yaxshi futbolchisini aniqlardi.
2005-yilgi mavsumdan boshlab, futbol olamidagi eng nufuzli hisoblangan har ikkala mukofotni bir futbolchi qo‘lga kiritavergani sabab (asosiy sabab), 2010-yildan FIFA va France Football o‘zaro kelishgan holda, eng yaxshilarni aniqlash yo‘nalishidagi harakatlarni birlashtirishga va har yili jahonning eng yaxshi futbolchisiga “Oltin to‘p” mukofotini topshirishga qaror qildi.
Shubha yo‘qki, FIFA ta’sis etgan mukofotni qo‘lga kiritgan futbolchilar ham, France Football topshirgan mukofotga ega chiqqan futbolchilar ham, birlashgan mukofotni qo‘lga kiritganlar ham nafaqat o‘sha yilning, balki asrning eng yaxshi futbolchilari sifatida e’tirof etilishga arziydi.
Quyida 2000-yildan boshlab FIFA va France Football mukofotlarini, shuningdek, birlashgan mukofotni qo‘lga kiritgan barcha futbolchilarni birma-bir yodga olish mumkin.
2000-yil. Zinedin Zidan — jahonning eng yaxshi futbolchisi, Luish Figu — Yevropaning eng yaxshi futbolchisi (“Oltin to‘p” sohibi)
2001-yil. Luish Figu — jahonning eng yaxshi futbolchisi, Maykl Ouen — Yevropaning eng yaxshi futbolchisi
2002-yil. Luis Ronaldo — jahonning eng yaxshi futbolchisi, Yevropaning eng yaxshi futbolchisi
2006-yil. Fabio Kannavaro — jahonning eng yaxshi futbolchisi, Yevropaning eng yaxshi futbolchisi
2008-yil. Krishtianu Ronaldu — jahonning eng yaxshi futbolchisi, Yevropaning eng yaxshi futbolchisi
2009-yil. Lionel Messi — jahonning eng yaxshi futbolchisi, Yevropaning eng yaxshi futbolchisi
2010, 2011 va 2012-yillar. Lionel Messi — “Oltin to‘p” sohibi
2015-yil. Lionel Messi — “Oltin to‘p” sohibi
Izoh (0)