AQShda 2015-yilda rekord miqdorda avtomobil sotildi

AQShda 2015-yilda 17,47 millionta yangi yengil va yuk avtomobillari sotildi. Bu ko‘rsatkich rekord hisoblanadi, deb xabar beradi Meduza.

Avvalgi rekord 15 yil davomida saqlanib turdi. 2000-yilda 17,35 millionta yangi mashina sotilgan edi.

Amerikaliklar iqtisodiyotning o‘sishi (tabiiyki, daromadlarning ham), kreditlarga past stavkalar qo‘yilishi va benzin narxining tushishi sababli yangi avtomobillar xarid qilmoqda.

AQShda eng ko‘p avtomobilni General Motors konserni sotdi (3,1 millionta mashina). Ikkinchi o‘rindan Ford (2,6 million), uchinchi pog‘onadan Toyota (2,5 million) va to‘rtinchi o‘rindan Fiat-Chrysler (2,2 million) joy oldi.

Deyarli barcha avtomobil ishlab chiqaruvchilarining savdosi 3—5 foizga oshdi.