Toshkent shahridagi Nukus ko‘chasida Lada Priora avtomobili ishtirokida yo‘l-transport hodisasi yuz berdi. Bu haqda Facebook’dagi “Voditeli Tashkenta” guruhida xabar qoldirilgan.
Xabarga ilova qilingan fotosuratlarda avtomobil ag‘darilib ketgani, so‘ng uni odamlar ko‘pchilik bo‘lib (ular orasida militsiya xodimlari ham bor), o‘nglab qo‘yayotganini ko‘rish mumkin.
Avtomobil nima sababdan tekis yo‘lda ag‘darilib ketgani aniq emas. Fotoxabar ostida izoh qoldirganlar hodisa avtomobil katta tezlikda harakatlangani bois yuz bergan bo‘lishi mumkinligini taxmin qilgan.
Guvohlarning qayd etishicha, hodisa natijasida avtomobil haydovchisi jiddiy tan jarohati olmagan.
Izoh (0)