Amerikaning General Motors avtomobilsozlik konserni taksi buyurtma qilishga mo‘ljallangan dastur ishlab chiqaruvchi Lyft Inc kompaniyasiga 500 million dollar investitsiya kiritadi. Bu haqda “Interfaks” xabar bermoqda.
Moliyalashtirishning ushbu bosqichida Lyft 1 milliard dollar jalb qilishni rejalashtirgan. Kompaniyaning o‘zi 5,5 milliard dollarga baholanmoqda.
GM mablag‘ kiritishdan tashqari Lyft bilan hamkorlik qiluvchi haydovchilarga o‘z avtomobillarini qisqa muddatga ijaraga beradi. Bundan tashqari, kompaniyalar o‘zi boshqariladigan, haydovchisiz taksilar servisini yaratish loyihasi ustida birgalikda ishlaydi.
Kelishuv shartlariga ko‘ra, GM prezidenti Den Ammann Lyft’ning direktorlar kengashiga kiradi.
Izoh (0)