Buyuk Britaniyaning sobiq bosh vaziri Toni Blerga xususiy tashriflari chog‘ida mamlakat elchixonalarida qolish man etildi. Daily Telegraph’ning ma’lum qilishicha, mazkur taqiq Britaniyaning barcha sobiq bosh vazir hamda vazirlariga tegishli, deya xabar beradi “Exo Moskvi”.
Nashrning bildirishicha, 2007-yilda lavozimini tark etgan Bler o‘shandan beri ikki bor Vashington va yetti marta Parijdagi elchixonalarda to‘xtagan. Siyosatchiga qo‘riqchilaridan tashqari olti kishigacha bo‘lgan delegatsiya hamrohlik qilgan, biroq hech kim tunab qolgani uchun pul to‘lamagan.
Blerning rasmiy vakili Vashington va Parijdagi uchrashuvlar biznes bilan emas, siyosatga aloqador bo‘lgani, fikr almashuvlar sobiq bosh vazirga ham, uni qabul qilgan diplomatlar uchun ham birdek foydali bo‘lganini ta’kidlagan.
Izoh (0)