Буюк Британиянинг собиқ бош вазири Тони Блэрга хусусий ташрифлари чоғида мамлакат элчихоналарида қолиш ман этилди. Daily Telegraph’нинг маълум қилишича, мазкур тақиқ Британиянинг барча собиқ бош вазир ҳамда вазирларига тегишли, дея хабар беради «Эхо Москви».
Нашрнинг билдиришича, 2007 йилда лавозимини тарк этган Блэр ўшандан бери икки бор Вашингтон ва етти марта Париждаги элчихоналарда тўхтаган. Сиёсатчига қўриқчиларидан ташқари олти кишигача бўлган делегация ҳамроҳлик қилган, бироқ ҳеч ким тунаб қолгани учун пул тўламаган.
Блэрнинг расмий вакили Вашингтон ва Париждаги учрашувлар бизнес билан эмас, сиёсатга алоқадор бўлгани, фикр алмашувлар собиқ бош вазирга ҳам, уни қабул қилган дипломатлар учун ҳам бирдек фойдали бўлганини таъкидлаган.
Изоҳ (0)