Estoniya prezidenti Toomas Xendrik Ilves uchinchi marta uylandi, deya xabar bermoqda “TASS”.
62 yoshli Ilves va 38 yoshli Latviya mudofaa vazirligi xodimasi Iyeva Kupsening nikoh marosimi 2-yanvar, shanba kuni Estoniyadagi cherkovda bo‘lib o‘tdi.
Ilvesning Kupse bilan unashtiruv marosimi noyabr o‘rtalarida bo‘lib o‘tgan. Ular orasidagi iliq munosabatlar esa kamida ikki yil oldin boshlangan.
Iyeva Kupse Latviya mudofaa vazirligining kiberxavfsizlik milliy siyosati bo‘limi boshlig‘i bo‘lib, 2003-yilda parlamentda ishlagan paytlari, o‘sha vaqtda yevrodeputat bo‘lgan Ilves bilan Bryusselda tanishgan.
Estoniya davlati rahbarining mahbubasi shu paytgacha turmush qurmagan, ammo uning bir o‘g‘li bor. Kupse Estoniya yetakchisi rafiqasiga aylanganidan keyin ham Latviya mudofaa vazirligida ishlashni davom ettirish-ettirmasligi haqida xabar berilmayapti.
Izoh (0)