2016-yili Hindistonning Bixar shtatida spirtli ichimliklar sotuvini man etishga kirishiladi. Shtat rasmiylari mazkur jarayonning birinchi bosqichini apreldan boshlashni rejalashtirgan, deya xabar beradi “TASS”.
Keyingi yillarda mamlakatda aholining ichkilikbozlikka mubtalo bo‘lishi jiddiy muammoga aylandi: keyingi 20 yil davomida bu xastalikka chalinganlar uchdan bir qismga ko‘paygan. Ayni paytda Hindistonning Gujarat va Nagalend shtatlari, shuningdek, Manipurning ayrim tumanlarida alkogol sotuvi taqiqlangan.
Bu boradagi eng qattiq qonun Gujaratda qabul qilingan. Mazkur shtatda 1960-yildan beri amalda bo‘lgan tartibga ko‘ra, nafaqat spirtli ichimliklar ishlab chiqarish yoki sotish, balki saqlash va iste’mol qilish ham man etilgan.
Izoh (0)