Yangi Zelandiyadagi Maunt-Kuk milliy bog‘ida ikki nafar alpinistning jasadi topildi. Bu haqda “TASS” xabar bermoqda.
The New Zealand Herald nashrining ma’lum qilishicha, alpinistlar oxirgi bor 28-dekabrda aloqaga chiqqan. Ularning jasadi Zilberxorn tog‘inining sharqiy qiyaligida (dengiz sathidan 3303 metr balandlik), o‘zlari o‘rnatgan lagerdan 50 metr uzoqlikda topilgan.
“Ularning ikkovi ham arqon bilan bog‘langandi. Biri qiyalikdan tushib ketgani, ikkinchisi esa uni qutqarmoqchi bo‘lgani, biroq bunga nimadir xalaqit bergani taxmin qilinmoqda. Ular tajribali bo‘lgan, biroq kimdir xatoga yo‘l qo‘ygan va bu fojiaga sabab bo‘lgan”, — deya ta’kidlagan qidiruv operatsiyasiga rahbarlik qilgan inspektor Deyv Geskin.
Izoh (0)