Osiyo futbol konfederatsiyasi rahbari va Xalqaro futbol federatsiyasi (FIFA) prezidentligiga nomzod shayx Salmon bin Ibrohim al-Xalifa mazkur lavozimga saylangan taqdirda maoshidan voz kechadi. Bu haqda shayxning rasmiy saytida ma’lum qilingan, deya xabar beradi “TASS”.
“Maosh olmayman, chunki tizimni to‘liq boshqarish va kunlik operatsiyalarda ishtirok etish niyatim yo‘q. Prezidentning vazifasini rejalar va strategiya tuzish, maqsadlarni belgilashda ko‘raman, aniq ishlar uchun javobgarlik esa bu bilan har kuni bevosita shug‘ullanadiganlar zimmasida bo‘lishi kerak”, — deya ta’kidlagan shayx Salmon.
FIFA prezidentligiga saylov 2016-yil 26-fevralda, tashkilotning navbatdan tashqari kongressida bo‘lib o‘tadi.
Izoh (0)