Осиё футбол конфедерацияси раҳбари ва Халқаро футбол федерацияси (ФИФА) президентлигига номзод шайх Салмон бин Иброҳим ал-Халифа мазкур лавозимга сайланган тақдирда маошидан воз кечади. Бу ҳақда шайхнинг расмий сайтида маълум қилинган, дея хабар беради «ТАСС».
«Маош олмайман, чунки тизимни тўлиқ бошқариш ва кунлик операцияларда иштирок этиш ниятим йўқ. Президентнинг вазифасини режалар ва стратегия тузиш, мақсадларни белгилашда кўраман, аниқ ишлар учун жавобгарлик эса бу билан ҳар куни бевосита шуғулланадиганлар зиммасида бўлиши керак», — дея таъкидлаган шайх Салмон.
ФИФА президентлигига сайлов 2016 йил 26 февралда, ташкилотнинг навбатдан ташқари конгрессида бўлиб ўтади.
Изоҳ (0)