Janubiy Koreya bilan aloqalarni nazorat qilgan va Seul bilan muzokaralarda qatnashgan shimoliy koreyalik partiya arbobi avtohalokatga uchrab vafot etdi, deya xabar bermoqda “Gazeta.ru”.
“Ryonxap” agentligi Koreya markaziy telegraf agentligiga tayanib ma’lum qilishicha, Koreya Mehnat partiyasi Markaziy qo‘mitasi siyosiy byurosi a’zosi, oliy xalq majlisi deputati, Koreya Mehnat partiyasi Markaziy qo‘mitasi kotibi Kim Yan Gon 29-dekabr kuni avtohalokatga uchragan. U 73 yoshda edi.
Hodisa bo‘yicha boshqa tafsilotlar keltirilmayapti.
Eslatib o‘tamiz, Koreya Respublikasi va KXDR dekabr boshida ikki tomonlama aloqalarni yaxshilash bo‘yicha muzokaralar olib borgan edi.
Izoh (0)