Жанубий Корея билан алоқаларни назорат қилган ва Сеул билан музокараларда қатнашган шимолий кореялик партия арбоби автоҳалокатга учраб вафот этди, дея хабар бермоқда «Газета.ru».
«Рёнхап» агентлиги Корея марказий телеграф агентлигига таяниб маълум қилишича, Корея Меҳнат партияси Марказий қўмитаси сиёсий бюроси аъзоси, олий халқ мажлиси депутати, Корея Меҳнат партияси Марказий қўмитаси котиби Ким Ян Гон 29 декабрь куни автоҳалокатга учраган. У 73 ёшда эди.
Ҳодиса бўйича бошқа тафсилотлар келтирилмаяпти.
Эслатиб ўтамиз, Корея Республикаси ва КХДР декабрь бошида икки томонлама алоқаларни яхшилаш бўйича музокаралар олиб борган эди.
Изоҳ (0)